Luas Chorcaí Lár na Cathrach

Mar a bhíonn le cathracha Eorpacha níos sine, bíonn dúshláin ar leith ann roimh thrasnú trí chroílár stairiúil lár na cathrach. Caithfidh an tram freastal ar chroílár na cathrach, agus an tionchar a bhíonn ar fhoirgnimh atá íogair ó thaobh struchtúir de a íoslaghdú, chomh maith leis an tsráid-dreach máguaird.

Sráid Phádraig go Stáisiún an Cheanntaigh

Trasnaíonn an Bealach is Dealraithí a Roghnófar atá beartaithe lár na cathrach via Sráid Phádraig, Sráid Mhic Curtáin agus Stáisiún an Cheanntaigh, le stad tram i ngach ceann de na suíomhanna sin. Ag leanúint ar aghaidh ó Shráid Washington, castar ar chlé go dtí Sráid an Chapaill Bhuí i dtreo Shráid Phádraig. Tá sé beartaithe go mbeidh iompar poiblí amháin ar an gconair den chuid is mó, chomh fada le Saint Patrick’s Bridge, agus ceadófar seirbhísiú na sráide go pointe.

Tá sraith lúb teann ann, a gcaithfidh feithiclí Luas a mbealach a dhéanamh tríothu, agus roinnt caolas bóthair/ cosáin ar chúinne Shráid Washington/an Chapaill Bhuí agus ag acomhal Shráid Phádraig/an Chapaill Bhuí, le tionchar féideartha ar an bhfoirgneamh ar an gcúinne “Finn’s Corner”, ag brath ar dhearadh mionsonraithe breise.

De réir mar a fhorbraítear an dearadh, tiocfar ar réitigh chun líonra rothar comhtháite, tréscaoilteach a chinntiú i lár na cathrach, agus Sráid Washington/ an Chapaill Bhuí chomh maith leis an acomhal ar Shráid Phádraig á seachaint san am céanna.

Beidh sráid do choisithe amháin ar Daunt’s Square, agus ní thabharfar rochtain d’fheithiclí ar Daunt’s Square/Sráid Phóil ón deisceart níos mó.

Ar Shráid Phádraig, leanann an bealach ar aghaidh soir, cosáin leathana agus sráid-dreach an spáis phoiblí thábhachtaigh seo i gcroílár na cathrach i gcónaí. Ag trasnú St Patrick’s Bridge agus ar Shráid Mhic Curtáin, roinntear an bealach le busanna agus leis an trácht i gcoitinne ag dul soir, agus na busanna amháin ag dul siar.

Mar atá le sráideanna eile feadh an bhealaigh, beidh gá le hoibreacha a dhéanamh ar Shráid Phádraig agus ar Shráid Mhic Curtáin chun freastal ar na ráillí Luas nua, lena n-áirítear atreoruithe fóntais agus leasuithe ar línte colbhaí agus ar chosáin.

Leanann an bealach ar aghaidh ón acomhal le Bóthar Ghleann Maghair Íochtarach, i dtreo Stáisiún an Cheanntaigh via Sráid Ailfrid, ag roinnt le busanna ag dul soir. Comhtháthófar stad Luas leis an mbealach isteach nua beartaithe ar chúl Stáisiún an Cheanntaigh, ionas go mbeidh sé níos éasca aistriú ó sheirbhísí comaitéireachta agus líne iarnróid idirchathrach, busanna, agus áiseanna aistrithe eile.

Ansin taistealaítear ó dheas ar an EPR, ar dhroichead iompair phoiblí nua thar an Laoi ó Ché Uí Argáin go dtí na dugaí theas ar Furlong Street.

Cé Uí Chinnéide go Páirc Uí Chaoimh

Trasna an droichid iompair phoiblí nua thar an Laoi, leantar ó dheas feadh Furlong Street, sula gcastar soir ar Bhóthar na Páirce Láir, áit a mbeidh na ráillí go hiomlán scoite amach ón trácht eile. Beidh gá le roinnt talún a fháil ag suíomh Southern Milling.

Beidh an EPR comhoiriúnach don Mheasúnú Iompair Áitbhunaithe Dugaí Theas agus comhtháthófar le Forbairt na nDugaí amach anseo é, ag cruthú sráid-dreach mealltach le haghaidh an iompair phoiblí, an taistil ghníomhaigh agus rochtana ar na dugaí agus ar an Muiríne. Is éard a bheidh i gceist leis an leagan amach beartaithe anseo: ailíniú Luas scoite amach ar chonair féir, carrbhealach bóthair dhá threo agus rotharbhealaí agus cosáin dhéthreocha. Trí bhainistíocht aibhinní agus tírdhreachú cúramach, tá sé beartaithe feabhas a chur ar aibhinne a bhfuil crainn ar gach taobh de ar Bhóthar na Páirce Láir agus ar shuíomh na Muiríne.

Ag acomhal Bhóthar na Páirce Láir/Marquee Road, casann an EPR ó dheas sula mbaintear Bóthar Uí Mhuineacháin amach, áit a ritheann an bealach feadh theorainn theas Pháirc na Muiríne a tógadh le deireanaí.

Beidh cuid de Bhóthar Uí Mhuineacháin ailínithe ó dheas chun spás a dhéanamh le haghaidh chonair Luas, agus srian a chur san am céanna ar an tionchar féideartha ar Pháirc na Muiríne a tógadh le deireanaí agus na crainn fhásta sa cheantar.

I ndiaidh Bóthar Uí Mhuineacháin a thrasnú, rachaidh an chonair Luas go taobh theas an bhóthair, agus tá stad Luas beartaithe ag an suíomh seo, le leagan amach trí ráille chun freastal ar an staid agus éascaíocht a dhéanamh ar chasadh siar féideartha na seirbhísí i dtreo lár na cathrach le linn uaireanta seachbhuaice.

Mar thoradh ar an leagan amach trí ráillí atá beartaithe, beidh toilleadh níos airde ag seirbhísí Luas nuair a bheidh imeachtaí móra ar siúl i bPáirc Uí Chaoimh. Tá gá le roinnt tógála talún ag an suíomh seo chun éascaíocht a dhéanamh ar stad beartaithe agus fána an ailínithe ráillí ó Ché Uí Argáin go dtí na dugaí theas ar Bhóthar an Mhuilinn.

Páirc Uí Chaoimh go dtí Rinn Mhachan

Ó Pháirc Uí Chaoimh, téann an EPR ó dheas ar Bhaile Mhuire, suas cnoc crochta chun teacht chomh fada leis an acomhal le Bóthar na Dúcharraige, ag roinnt leis an trácht rochtana áitiúla amháin. Tá gá le hoibreacha athghrádánaithe ar thaobh íochtarach Bhaile Mhuire, ionas gur féidir leis na seirbhísí Luas feidhmiú feadh na coda sin den bhealach. Ansin trasnaíonn an EPR Bóthar na Dúcharraige go dtí Lána na Reilige, áit a mbeidh gá le roinnt tógála talún chun an t-ailíniú a éascú. Ina measc sin, tá, leagan go talamh an Venue Bar, séadchomhartha Bhaile an Teampaill a bhfuil an-chlú air. Tá sé beartaithe an suíomh cúinne seo a chur ar ais mar a bhí, mar chuid de na hoibreacha, chun stádas Limistéir Chaomhantais Ailtireachta (ACA) an bhaile a choinneáil.

Leanann an EPR ar aghaidh ó dheas ar Lána na Reilige, ag roinnt leis an trácht i gcoitinne, a cheadófar le haghaidh rochtain áitiúil amháin, go dtí acomhal Lána na Reilige/ Bhóthar an Bhóithrín Mheánaigh. Athlonnófar an pháirceáil sráide atá ar Lána na Reilige – roinnt ar Lána na Reilige é féin agus roinnt ar chúl Lána na Reilige, ag an mbealach isteach chuig Eastát Ashcroft.

Ar aghaidh ó acomhal Bhóthar an Bhóithrín Mheánaigh, tá deis ann an EPR a scaradh amach go pointe ar an mbóthar níos leithne, lána ó thuaidh a bheith ann don trácht i gcoitinne agus bonneagar rothaíochta agus le haghaidh coisithe a sholáthar. D’fhéadfaí tionchar a bheith ar theorainn an chairéil ag an suíomh seo agus déanfar an t-athchóiriú tírdhreacha agus an t-athdheisiú ar shuíomh nádúrtha an chairéil a mheas go cúramach.

Ar thaobh theas Lána na Reilige, casann an EPR soir go dtí Bóthar na Sceiche Airde. Beartaíodh leagan amach ceithre lána ar Bhóthar na Sceiche Airde go dtí an t-am sin, i gConair Iompair Inbhuanaithe BusConnects (STC) J.

Beidh gá le codanna beaga tógála talún chun an scéim bheartaithe a chur i bhfeidhm go rathúil, i dtreo thaobh thoir Bhóthar na Sceiche Airde. Ag acomhal Ascaill na Dúcharraige, fágann an EPR Bóthar na Sceiche Airde agus casann sé ó dheas go dtí Mahon Link Road, áit a rithfear an t-ailíniú ar ráille scoite amach ar an taobh thiar den bhóthar, comhthreomhar leis an nGlasbhealach atá ann cheana. Coinneofar an colbha, a bhfuil crainn ar gach taobh de, ar thaobh thiar Mahon Link Road.

Glacfar leagan amach dhá lá ar thaobh thoir an EPR le haghaidh an tráchta i gcoitinne, a mbeidh roinnt tógála talún ann mar thoradh air, chomh maith le hathphlandú feadh theorainneacha na n-áitreabh thoir.

Leanfaidh an EPR ar aghaidh ó dheas, ag leanúint an ailínithe bhóthair go dtí an stáisiún ceann aistir atá beartaithe, soir ó thuaidh ó acomhal Mahon Link Road/City Gate. Soláthrófar áiseanna rothaíochta agus le haghaidh coisithe atá scoite amach feadh Mahon Link Road, go dtí an stáisiún ceann aistir, ina mbeadh Mol Soghluaisteachta féideartha beartaithe ag cur deiseanna aistrithe iompair chun cinn idir gluaisteán príobháideach, iompar poiblí, agus úsáideoirí an taistil ghníomhaigh, agus á bhfeabhsú.

Nuashonrófar an t-acomhal Mahon Link Road/City Gate mar chuid de thograí BusConnects, ag soláthar áiseanna feabhsaithe le haghaidh coisithe agus rothaíochta agus nasc níos fearr le hIonad Siopadóireachta Rinn Mhachan.