Baile an Chollaigh go hOllscoil Teicneolaíochta na Mumhan

Tosaíonn an Bealach Roghnaithe atá molta i mBaile an Chollaigh. Mar athrú ar an EPR, tosaíonn sé ag acomhal Bhóthar Charraig an Earra/Bhóthar an Stáisiúin i lúb riain aonair a ritheann go Bóthar an Chaisleáin, Bóthar Flynn, Príomhshráid Bhaile an Chollaigh (Príomhbhóthar/Bóthar Charraig Ruacháin) sula gcasann sé ó dheas ar Bhóthar an Stáisiúin. Críochnaítear an lúb ansin, agus leanann an líne soir ar shocrú líne dúbailte níos gnáthaí.

Tá an tram scartha a bheag nó a mhór ón trácht ghinearálta trí Bhaile an Chollaigh, ach tá Bóthar an Stáisiúin á roinnt aige le trácht ó dheas. Beidh rochtain ag trácht ghinearálta ar Pháirc na Feá/ Barley Grove ón bPríomhshráid agus ó Bhóthar Charraig an Earra ach ní bheidh aon tréthrácht ó thuaidh ann. Cuideofar le plódú tráchta sa tsráidbhaile a laghdú trí chuid den trácht a atreorú ar Bhóthar an tSeandúin.

A luaithe agus a bheidh sé ar ais ar Bhóthar Charraig an Earra, ag bun Bhóthar an táisiúin, rachaidh an tram soir ar shocrú riain dhúbailte trasna an N22 i dtreo MTU. I gcomhréir leis an mBealach is Dealraithí a Roghnófar (EPR), tá saoráid Iosta Páirceála agus Taistil molta do 1,000 feithicil áit a bhfuil talamh feirme ann faoi láthair, díreach soir ón N22 agus siar ó Bhóthar na Claise. Déanann raon rothar dhá bhealach comhthreomhar ó Bhaile an Chollaigh ceangal le Glasbhealach an Churraichín ag ceann Abhainn na Sabhrainne den stráice sin den bhealach.

Ollscoil Teicneolaíochta na Mumhan go Bóthar Wilton

Leanann an Bealach Roghnaithe ar aghaidh trí champas Ollscoil Teicneolaíochta na umhan ar Ascaill Rosa. Leanann sé ó dheas ar Bhóthar Melbourn. Casann sé soir agus ritheann sé in aghaidh an aird thar Phobalscoil Bhaile an Easpaig, Plásóg Bhaile an Easpaig, CLG Bhaile an Easpaig, Club Rugbaí an Ghoirt Aird, Coláiste an Spioraid Naoimh, Clochar Cholm Cille agus ansin trí champas Ospidéal na hOllscoile, Corcaigh (CUH).

Bóthar Wilton go Sráid Washington

Ó CUH (Ospidéal na hOllscoile, Corcaigh), téann an bealach feadh Bhóthar Bhaile an Easpaig agus Bhóthar Wilton i dtreo Crois Uí Dhuineacha agus Crois Victoria, ag casadh soir ar Bhóthar an Iarthair i dtreo lár na cathrach. Mar athrú ar an EPR, tá stad breise á chur ar fáil ag Crois Victoria chun freastal ar chónaitheoirí agus ar shaoráidí caithimh aimsire agus ospidéil ar bhonn níos fearr thart ar acomhal Charraig Ruacháin le Crois Victoria. Tá stad Choláiste na hOllscoile, Corcaigh (UCC), á bhogadh níos gaire do phríomhgheataí UCC ag Bóthar Uí Dhonnabháin chun inrochtaineacht ar an gcampas a fheabhsú.

Sráid Washington go Cé Uí Chinnéide

Ó Shráid Washington go Stáisiún an Cheanntaigh, níl athrú ar bith ar an mbealach ón EPR – agus é ag leanúint ar aghaidh trí Shráid Phádraig, trí Shráid Mhic Curtáin agus trí Stáisiún an Cheanntaigh, agus stad tram ag gach ceann de na láithreacha sin. Beidh an stad ag Stáisiún an Cheanntaigh comhtháite leis an bpointe aistrithe iompair phoiblí atá molta ag cúl an stáisiúin lena ligfear d’aistriú idirmhódúil go seirbhísí iarnróid comaitéireachta agus idirchathracha, busanna agus saoráidí rothaíochta. Beidh sonraí an stad sin faoi réir próiseas dearaidh ilpháirtí a chuirfear i bhfeidhm sa chéad chéim eile.

Taistealaíonn an Bealach Roghnaithe ina dhiaidh sin ó dheas ar dhroichead iompair phoiblí nua trasna na Laoi ó Ché Uí Argáin go dtí ceantar na ndugaí theas. Bhíomar i mbun teagmhála le hionadaithe an phobail mhuirí maidir leis an tionchar a bheidh ag an droichead nua sin ar ghníomhaíocht ar an abhainn agus leanfaimid de bheith i dteagmháil leo faoin tsaincheist sin. Bímid i dteagmháil le Comhairle Cathrach Chorcaí freisin chun a chinntiú go ndéantar forbairt níos leithne cheantar na ndugaí a dhearadh i gcomhar le straitéis chomhtháite iompair agus forbartha do Cheantar na nDugaí i gCorcaigh agus mar chuid den straitéis sin.

Cé Uí Chinnéide go Páirc Uí Chaoimh

Leanann an bealach ó dheas sula gcasann sé soir ar Bhóthar na Páirce Láir, áit a ndéanfar na rianta a scaradh ina n-iomláine ón trácht eile. Le stad breise ag Ceantar na nDugaí, freastalófar ar fhorbairt amach anseo de 20,000 teach nua agus beagnach 25,000 post.

Ag acomhal Bhóthar na Páirce Láir/Bhóthar Marquee casann an líne ó dheas sula mbaineann sé Bóthar Uí Mhuineacháin amach, áit a ritheann sé feadh theorainn dheisceartach Pháirc na Muiríne a forbraíodh le déanaí. Aistríodh stad Pháirc Uí Chaoimh agus rinneadh é a bheachtú chun ligean do chúrsáil agus deighilt níos fear sluaite agus chun aisfhilleadh an tram a éascú.

Páirc Uí Chaoimh go Bóthar an Bhóithrín Mheánaigh

Ó Pháirc Uí Chaoimh, ritheann an líne ó dheas ar Bhóthar Bhaile Mhuire, suas an fhána chomh fada le hacomhal Bhóthar na Dúcharraige, agus roinntear an bealach le trácht rochtana áitiúla do chuid den bhealach. Leanann sé in aghaidh an aird ar Lána na Reilige agus an bealach á roinnt le trácht ó dheas a fhad le hacomhal Lána na Reilige/Bhóthar an Bhóithrín Mheánaigh, ach é scartha ó thuaidh. Déanfar páirceáil sráide atá ann cheana ar Lána na Reilige .

a aistriú nuair is féidir - lena n-áirítear laistigh d’Eastát Chroit na Fuinseoige. Cuirfear malairtí slí i bhfeidhm go háitiúil mar chuid de phlean bainistíochta tráchta don cheantar mórthimpeall.

Bóthar an Bhóithrín Mheánaigh go hIonad Siopadóireachta Mahon Point

Ó acomhal Bhóthar an Bhóithrín Mheánaigh, ritheann an líne taobh leis an gcolbha, agus í scartha go príomha ón trácht ghinearálta agus beidh ardáin fhiartha ag Cairéal Beaumont agus ag Club Rugbaí Cork Constitution. Téann sí ar aghaidh ansin feadh Bhóthar na Sceiche Airde agus téann sé soir agus stad suite ag an acomhal le Bóthar an Tobair. Cuirtear ardán fiartha ar fáil in ionad láthair stad Ghleann na Coille a bhí ann roimhe sin, agus iarmhairtí ar chabhsáin phríobháideacha á seachaint. Beidh ardán stad an treo thiar Luas suite ag Garrán na Coille Brice agus beidh ardán stad an treo thoir suite ag Bóthar Ghleann na Coille.

Ansin leanann an Bealach Roghnaithe ar aghaidh ar Bhóthar na Sceiche Airde, sula gcasann sé ó dheas ar Bhóthar Ceangail Mhachan. Roinnfidh socrú taobh colbha an bealach le busanna a fhad leis an stad cinn aistir ag Ionad Siopadóireachta Mahon Point.